په آمريکا کې يوه کس د خپل واده په ورځ د (ماراټن) د ځغاستې په لوبه کې ګډون وکړ او (٤٢) کيلومټره يې وځغاستل.
د (عکاظ) په نوم ورځپاڼې د راپور له مخې، دغه (٣٢) کلن کس ټينګار کاوه، چې ځينې ورزشي فعاليتونه په لنډه موده کې د واده د مراسمو تر ترسره کېدو مخکې تر سره کړي.
ده د ځغاستې په سيالي کې، چې د شمالي آمريکا په (کاروليناى) ايالت کې پر لار اچول شوې وه، ګډون وکړ او (٤٢) کيلومټره يې وځغاستل.
دغه کس په دې اړه وويل: "ما او ملګري مې د واده د مراسمو تر تر سره کېدو څو ساعته وړاندې له سړې هوا سره د مبارزې په خاطر د ځغاستې په سيالي کې ګډون وکړ. البته زه د درېيو ساعتونو او (٤٧) دقيقو په وخت کې ټاکلي هدف ته په رسېدو وتوانېدم."
د يادولو وړ ده، چې زوم په دې سيالي کې د پام وړ مقام ګټلى او ويلي يې دي، چې د دې مقام د لاس ته راوړلو په خاطر يې خپل واده څو مياشتې ځنډولى و.
دى په دې اړه وايي: "دا چې ما د ځغاستې په سياليو کې څو ځله نور هم ګډون کړى او زياتره وختونه مې ښه-ښه مقامونه هم خپل کړي دي، ځکه مې پرېکړه وکړه، چې د وروستي ځل لپاره په ورته سيالي کې د گډون کولو په موخه به خپل واده پنځه مياشتې ځنډوم. ما په تېرو پنځو مياشتو کې ډېر سخت تمرينونه وکړل او ځان مې د دې جوګه کړ، چې په (٥٠) کيلومټره ځغاسته کې د برخې اخيستو په صورت کې د هېڅ ډول ستړيا احساس ونه کړم."
ليست هناك تعليقات:
إرسال تعليق